சிதம்பரம் நாடாளுமன்ற தொகுதியில் புதிய நியாயவிலைக் கடைகள் மற்றும் மேம்பாட்டு திட்டங்கள்
சிதம்பரம் நாடாளுமன்றத் தொகுதி மேம்பாட்டு நிதியிலிருந்து அரியலூர் மற்றும் பெரம்பலூர் மாவட்டங்களில் பல்வேறு கிராமங்களில் அரசு நியாயவிலைக் கடைகளுக்கான புதிய கட்டிடங்கள் அமைக்கப்பட்டன. இதற்காக விடுதலைச் சிறுத்தைகள் கட்சியின் தலைவர் எம்.பி. தொல். திருமாவளவன் இரண்டு நாட்கள் (05-11-2024 - 06-11-2024) சுற்றுப்பயணம் மேற்கொண்டு, இக்கட்டிடங்களை திறந்து வைத்து மக்களுக்கு பயன்பாட்டிற்காக தொடங்கி வைத்தார்.
புதிதாக திறக்கப்பட்ட நியாயவிலைக் கடை கட்டிடங்கள்
1).ஜெயங்கொண்டம் நகராட்சி, கிழக்குத் தெரு, 18வது வார்டு 7 லட்சம் ரூபாய் மதிப்பீட்டில் புதிய நியாயவிலைக் கடை கட்டிடம்.
2). மாதாபுரம், ஜெயங்கொண்டம் தொகுதி 12 லட்சம் ரூபாய் மதிப்பீட்டில் நியாயவிலைக் கடை கட்டிடம்.
3)காட்டாத்தூர் கிராமம், ஆண்டிமடம் அருகே 12.30 லட்சம் ரூபாய் மதிப்பீட்டில் நியாயவிலைக் கடை கட்டிடம்.
4)நின்னியூர் கிராமம், செந்துறை ஒன்றியம் 10 லட்சம் ரூபாய் மதிப்பீட்டில் புதிய நியாய விலைக் கடை கட்டிடம்.
5)நல்லா தெரு - பெரிய குறிச்சி கிராமம், செந்துறை ஒன்றியம் 7 லட்சம் ரூபாய் மதிப்பீட்டில் நியாயவிலைக் கடை கட்டிடம்.
பள்ளி வகுப்பறைகள் மற்றும் சமுதாய நலக் கூடங்கள்
1). செந்துறை அரசு மேல்நிலைப் பள்ளி 40 லட்சம் ரூபாய் மதிப்பீட்டில் பள்ளி வகுப்பறை கட்டிடம், மாணவர்களுக்கு உயர்தர கல்வியை வழங்கும் நோக்கில்.
2). நல்லநாயகபுரம் கிராமம், நஞ்சினபுரம் ஊராட்சி 33 லட்சம் ரூபாய் மதிப்பீட்டில் சமுதாய நலக் கூடம், பொதுமக்கள் மற்றும் சமூக நிகழ்ச்சிகளுக்காக.
நியாயவிலைக் கடைகளில் தரமான பொருட்கள்: திருமா வலியுறுத்தல்
ரேஷன் கடைகளில் தரமான பொருட்கள் வழங்கப்படுவதைக் உறுதிசெய்ய திருமாவளவன் அவர்கள் அங்குள்ள பொருட்களை நேரில் ஆய்வு செய்து, மக்களின் நலனுக்காக அதிகாரிகள் அவ்வப்போது தரப்பரிசோதனை மேற்கொள்ள வேண்டும் என வலியுறுத்தினார்.
பிரமுகர்கள் மற்றும் அதிகாரிகள் பங்கேற்பு
இவ்விழாவில் அரியலூர் மாவட்ட ஆட்சியர் திரு. பொ.இரத்தினசாமி, ஜெயங்கொண்டம் திமுக சட்டமன்ற உறுப்பினர் திரு. க.சொ.க.கண்ணன், மற்றும் விடுதலைச் சிறுத்தைகள் கட்சியின் நகரமன்ற தலைவர் சுமதி சிவக்குமார் உள்ளிட்ட ஏராளமான கூட்டணி கட்சியினர், நிர்வாகிகள், மற்றும் அரசு அதிகாரிகள் பங்கேற்றனர்.
மக்களின் நன்றிக் கூறல்
இந்த மேம்பாட்டு திட்டங்களின் மூலம் அரசின் நலன்கள் மக்களிடம் விரைந்து சென்றடையும் வகையில் அமைந்தது. அரியலூர் மற்றும் பெரம்பலூர் மாவட்ட மக்கள் மகிழ்ச்சியுடன் திரு. தொல். திருமாவளவன் அவர்களுக்கு நன்றி தெரிவித்தனர்.
சிதம்பரம் நாடாளுமன்ற தொகுதியில் மேற்கொள்ளப்பட்ட இத்தகைய மேம்பாட்டு திட்டங்கள் மூலம், பொதுமக்களின் அடிப்படை தேவைகள் பூர்த்தியாகி, அவர்களின் வாழ்வாதாரமும் உயரும் வகையில் நடவடிக்கை எடுக்கப்பட்டுள்ளது. இதற்கு உதவி செய்த மத்திய அரசு மற்றும் தொல். திருமாவளவன் அவர்களுக்கு அரியலூர் மற்றும் பெரம்பலூர் மாவட்ட மக்கள் நன்றியுடன் தங்கள் திருப்தியை தெரிவித்தனர். இந்த மேம்பாட்டு முயற்சிகள் எதிர்காலத்தில் மேலும் பல திட்டங்களை உருவாக்க உத்வேகமளிக்கும் என்பதில் ஐயமில்லை.